Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Maria Cvetkova nga Bazeli i Zvicrës: "Këtë herë ka shpresë"

Maria Cvetkova
Foto: arkiv personal

Bullgarët në Zvicër votojnë për president dhe për parlament në 12 qendra votimi të shpërndara në të gjithë vendin. Në Bazel dita e zgjedhjeve po shkon normalisht, mësojmë nga bashkatdhetarja jonë Maria Cvetkova. Prej shumë vitesh ajo jeton në qytetin e tretë më të madh zviceran, ku punon në një pozicion menaxherial në një kompani të madhe farmaceutike. Seksioni në të cilin Maria ka ushtruar sot të drejtën e votës ndodhet në një hotel në qendër të Bazelit.

Ndryshe nga pritjet e saj, votimi nuk bëhet me makina, por me fletë votimi. Përveç kësaj, shumica e votuesve vendas, si ajo, nuk kanë qenë të informuar për plotësimin paraprak të një deklaratë e cila u jep atyre të drejtën e votës dhe plotësimi i saj mu para votimit e ka ngadalësuar procesin.

Pyetjes për se voton në zgjedhjet e tanishme, Maria iu përgjigj:

“Në fakt, për mua këto janë zgjedhjet e para në të cilat kisha dëshirë të madhe për të votuar, me çdo kusht. E them këtë sepse në zgjedhjet e mëparshme asnjë parti politike nuk e ka provokuar interesin tim, për të cilën të them: "Po, këta janë njerëzit të cilët mund ta bëjnë ndryshimin në Bullgari. Ndryshimi rrënjësor për mua ka të bëjë me asgjësimin e korrupsionit, me zbatimin e një reforme të thellë në prokurori dhe në drejtësi. Në këto zgjedhje për mua ka shpresë! Ndoshta sepse kam shumë vite që jetoj jashtë vendit. Sigurisht, nëse jetoja në Bullgari, do të ndihesha e lodhur dhe e zhgënjyer, sepse Bullgaria është në një situatë të vështirë që prej një kohe të gjatë. Dhe po, deri më tani nuk kishte asnjë perspektivë, por tani është ndryshe”, - është kategorike Maria Cvetkova.

Në këto zgjedhje Maria votoi si për parlament, ashtu dhe për president. Çfarë duhet të jetë personaliteti i bashkuesit të ri të Bullgarisë, sipas Marias?

“Kompetencat e presidentit në vendin tonë janë të kufizuara, siç është edhe në vende të tjera në botë, por nga ai kërkohet të jetë i ndershëm dhe vetëmohues, të bashkojë njerëzit dhe t'i frymëzojë popullit siguri. Dhe së treti – ai duhet ta përfaqësojë vendin tonë në forume ndërkombëtare dhe në politikën e jashtme. Në fakt presidenti është fytyra e Bullgarisë para botës. Ai duhet të flasë mirë dhe të mbështesë ndryshimet në Bullgari. A ka një kandidat të tillë në zgjedhjet e tanishme? Kjo është një çështje komplekse. Deri diku kam votuar për president me rezervë, sepse nuk ka një kandidat të tillë që ta njoh plotësisht. Por gjithsesi ka njerëz që janë pak a shumë afër këtyre kritereve”, tha në përfundim Maria Cvetkova.


Përgatiti në shqip: Vesella Mançeva



Последвайте ни и в Google News Showcase, за да научите най-важното от деня!

Më shumë nga rubrika

Darko Anaçkov

Darko Anaçkov: Ne po punojmë për të kapërcyer paragjykimet ndaj bullgarëve në Serbi

Një hap përpara, dy mbrapa - i tillë është hapi i vallëzimit të marrëdhënieve bullgaro-serbe sipas Darko Anaçkov, kryetar i organizatës së vetme bullgare në qytetin e Vranjës. Në një intervistë për Radio Bullgarinë, ai e cilësoi nivelin aktual të..

botuar më 25-03-10 7.30.PD

Mbi 4000 studentë nga e gjithë bota duan një stazh në institutin INSAIT në Sofje

Studentë nga universitete elitare nga e gjithë bota paraqitën aplikime për një stazh veror në Institutin për Shkenca Kompjuterike, Inteligjencë Artificiale dhe Teknologji (INSAIT) pranë Universitetit të Sofjes. Mes tyre janë mbajte të medaljeve nga..

botuar më 25-03-06 2.12.MD

Rrethi i Jetës: Si Rodopet Lindore u bënë një model për një ekosistem të rimëkëmbur

Rodopet Lindore janë një nga vendet e pakta në Evropë ku ekuilibri natyror është rikthyer pothuajse në gjendjen e tij dy shekuj më parë. Këtu, ekosistemet funksionojnë natyrshëm. Me fjalë të tjera, kafshët dhe bimët bashkëjetojnë në harmoni, pa..

botuar më 25-03-05 7.20.PD