Ministri i Punëve të Jashtme Svetllan Stoev priti Ambasadoren e Shqipërisë Donika Hoxha. Gjatë bisedës u diskutuan marrëdhëniet e shkëlqyera mes dy vendeve, dialogu aktiv politik, thellimi i bashkëpunimit në shumë sfera me interes të përbashkët dhe fushat potenciale për zhvillimin e tij.
“Shqipëria dhe Bullgaria janë vende mike dhe partnere në NATO”, tha ministri Stoev, duke theksuar se shkëmbimi intensiv, duke përfshirë kulturën dhe turizmin, do të kontribuojë edhe më shumë në afrimin mes njerëzve. Pala bullgare theksoi gjithashtu mbështetjen e vazhdueshme të Bullgarisë për perspektivën evropiane të vendeve të Ballkanit Perëndimor. U theksua avancimi i Tiranës në rrugën drejt BE-së dhe se vendi ynë nuk përjashton mundësinë e ndarjes së Shqipërisë nga Republika e Maqedonisë së Veriut në procesin e negociatave.
Gjatë bisedës u mirëprit memorandumi i nënshkruar ditë më parë në Sofje nga Bullgaria, Shqipëria dhe Republika e Maqedonisë së Veriut për përshpejtimin e ndërtimit të Korridorit №8, ndërsa ministri Stoev theksoi se përfundimi i tij do të jetë jashtëzakonisht i rëndësishëm për konektivitetin në rajon.
Ambasadorja Hoxha tha se vendi i saj është gjithashtu i interesuar për intensifikimin e lidhjeve mes institucioneve të arsimit të lartë, duke përfshirë mundësitë për hapjen e degëve të universiteteve bullgare. Nga kjo do të përfitojë edhe minoriteti bullgar në Shqipëri.
Informacioni është i Qendrës së Shtypit të Ministrisë së Jashtme.
Festa e Frymës së Shenjtë në Bullgari shënohet edhe si Dita e Maqedonisë. Tradita filloi pas Kryengritjes së Ilindenit të vitit 1903, pasi fillimisht ishte Dita e Luftës për Maqedoninë dhe Edrenenë, dhe pas Luftës së Parë Botërore u bë "Dita e..
Kryebashkiaku i Stambollit kritikoi marrëveshjen për emigrantët mes Turqisë dhe BE-së Kryetari i bashkisë së Stambollit dhe një kundërshtar i presidentit Erdogan, Ekrem Imamoglu, kritikoi ashpër marrëveshjen e vitit 2016 midis..
Shtetësia vuan nga përçarja. Votuesi bullgar dëshiron ndryshime dhe detyra e politikanëve është t'i zbatojnë ato - të planifikuara, të ndërgjegjshme dhe të arsyetuara. Jetojmë në një kohë jashtëzakonisht dinamike, jetojmë në një kohë të ndarë. Me..
Festa e Frymës së Shenjtë në Bullgari shënohet edhe si Dita e Maqedonisë. Tradita filloi pas Kryengritjes së Ilindenit të vitit 1903, pasi fillimisht..