"Shumica e të infektuarve në valën e katërt Covid ndoshta do të jenë të rinj të pavaksinuar, sepse të moshuarit tashmë janë të imunizuar," tha për BNR Prof. Soren Hajrabedjan, imunolog në Institutin e Biologjisë dhe Imunologjisë në Akademinë Bullgare të Shkencave.

Numri i madh i të rinjve të shtruar në spital është tregues i faktit se infeksioni me variantin delta është më i rëndë. Sipas specialistit, ndryshimi kryesor midis një personi të pavaksinuar dhe një të vaksinuar me Covid-19 është se i pari nuk ka antitrupa neutralizues të virusit në javën e dytë, ndërsa ky i fundit fillon menjëherë prodhimin e antitrupave dhe ka një nivel mbrojtjeje më shumë. Prof. Soren Hajrabedjan është i bindur se frika nga vaksinimi nuk është e justifikuar nga ana mjekësore.