Brenda dhjetë ditëve më së voni, vendi ynë do të hyjë në zonën portokalli për përhapjen e koronavirusit, parashikon Ministri i Shëndetësisë Dr. Stojço Kacarov. Në një takim pune me Presidentin Rumen Radev, ai tha se sistemi shëndetësor në shkallë të madhe është i gatshëm për të përmbushur valën e re. “Sidoqoftë, një azhurnim i buxhetit është urgjentisht i nevojshëm, pasi të gjitha rezervat për pagesën e mjekëve të vijës së parë janë të shterur”, komentoi ministri. Në takim u diskutuan gjithashtu masat e nevojshme social-ekonomike për të zvogëluar pasojat negative të një shpërthimi të mundshëm të epidemisë.