Këshilli Kombëtar i GERB vendosi që deputetët e tyre të qëndrojnë në sallën plenare dhe të votojnë kundër qeverisë së propozuar nga partia “Ka një popull të tillë” – ITN. Këtë e deklaroi në një konferencë për shtypin udhëheqësi i GERB Bojko Borisov.

“GERB-SDS duhet të qëndrojnë sa më larg që të jetë e mundur nga ato parti urrejtjeje që nuk respektojnë vullnetin e njerëzve dhe nuk i trajtojnë ata me respekt”, tha Borisov, duke kujtuar se ITN është me vetëm 0.5 për qind më shumë vota nga GERB në zgjedhjet e 11 korrikut. Partia e Sllavi Trifonov fitoi votën falë votave nga jashtë dhe votimit të detyrueshëm me makinë të imponuar nga Presidenti Rumen Radev, shtoi Borisov. Politikani theksoi se vendi është në kaos dhe mbajtja e zgjedhjeve të reja do të jetë e papërgjegjshme.