Nga 1 korriku çmimet e dërgesave që mbërrijnë në Bullgari nga vendet jashtë BE-së, duke përfshirë Britaninë e Madhe dhe Kinën, u rriten. Tashmë do të paguhet TVSH për të gjitha dërgesat deri në 150 euro, dhe jo siç ishte deri tani - vetëm për dërgesat deri në 15 euro, shpjegoi Vjara Genova nga Agjencia Doganore.

Për dërgesat mbi 150 euro, përveç 20% TVSH, duhet të paguhet dhe taksë doganore. Regjimet e reja janë të vlefshme në të gjithë BE-në. TVSH-ja mblidhet që nga dyqani online gjatë vetë blerjes. Në këtë lidhje përdoruesit duhet të ndjekin informacionin në sajte. Nuk ka asnjë ndryshim për marrjen e dërgesave të vogla të mallrave jo-komercialë me origjinë nga një vend i tretë, kur ato dërgohen nga një person fizik deri te një person tjetër fizik dhe vlera e tyre totale është deri në 45 euro.