Me ftesë të Sekretarit të Senatit Francez Loïc Hervé, Nënpresidentja bullgare Ilijana Jotova u takua me përfaqësuesit e Grupit të Miqësisë Francë-Bullgari në Senat. U diskutua një gamë e gjerë temash në marrëdhëniet Bullgari-Francë, si dhe çështje në axhendën evropiane. Bisedimet u përqendruan në nevojën për reformën e Shengenit dhe anëtarësimin e ardhshëm të Bullgarisë në zonën pa viza. Jotova theksoi se Bullgaria ka përmbushur të gjitha kriteret teknike për anëtarësimin. Ndër temat ishte pozita bullgare për Maqedoninë e Veriut. Pala franceze tha se po shpreson në një zgjidhje për Shkupin gjatë presidencës së vet të Këshillit të BE në gjysmën e parë të vitit 2022.