Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Dita e Shën Pjetrit dhe Shën Palit simbolizon fillimin e verës së vërtetë

Foto: архив

Kisha jonë ortodokse më 29 qershor çdo vit shënon ditën e Apostujve të Shenjtë Pjetri dhe Pali. Kjo ditë ndër bullgarët është më e njohur si Petrovden. Emri i lindjes së Pjetrit është Shimon, një peshkatar i zakonshëm nga Galilea. Pasi u bë një nga pasuesit dhe dishepujt e Jezusit, mori emrin Pjetër. Saveli ishte një predikues hebre dhe qytetar romak nga Tars në Kilikija dhe fillimisht ishte ndër përndjekësit e dishepujve të Krishtit. Gjatë një stuhie duke udhëtuar për në Damask Jezusi iu shfaq dhe ai u bë një nga përhapësit më të zellshëm të krishterimit në territorin e Azisë së Vogël dhe të Gadishullit Ballkanik. Të dy apostujt vdiqën si dëshmorë në të njëjtën datë – 29 qershor, në kohën e perandorit Neron (vitet 64-68 pas Krishtit).

Petrovden, Dita e Shën Pjetrit, është një festë shumë e respektuar në Bullgari. Këtë ditë korrjet janë në kulmin e tyre. 


Në përfytyrimet popullore bullgare të dy apostujt janë vëllezër. Shën Pjetri ruan rreptësishtë portat e Parajsës dhe lejon në të vetëm shpirtrat e drejtë, ndërsa Shën Pali është i drejtë dhe i gojëmjaltë. Sipas një legjende Shën Pjetri ishte aq rigoroz që nuk e lejoi as nënën e tij të hyjë në Xhenet, sepse sipas tij ajo ishte një grua e ligë dhe e mallkuar. Para portave të parajsës Pjetri donte për t’i shërbyer bukë dhe Pali donte vetëm nder dhe respekt. Festat e tyre pasojnë njëra pas tjetrës. Më 30 qershor populli ynë feston Ditën e Shën Palit, Pavljovden, tradita ekziston në Dobruxha, në të gjithë Bullgarinë Lindore dhe në rajonin e malit Rodopa.

Për banorët e fshatit Teshevo të bashkisë Haxhidimovo, të shtrirë në rrëzat jugore të malit Pirin, dita e Shenjtorëve Apostuj Pjetri dhe Pali sivjet do të jetë më speciale. Në prag të festës u rinovua kisha e vogël në majën “Shën Pjetri”


Ditën e Shën Pjetrit vendasit do të rrethojnë edhe sinorin e fshatin për të shërbyer lutje për pjellori dhe shi. Në majën “Shën Pjetri” do të shërbehet një liturgji dhe për besimtarët do të shpërndahet kurban për shëndet

Përveç njerëzve që mbajnë emrat Pjetër, Pali më 29 qershor festë kanë edhe zejtarët në Bullgari.

Redaktore: Darina Grigorova

Përgatiti në shqip: Svetllana Dimitrova

Foto: Facebook /@teshovo, arkiv





Последвайте ни и в Google News Showcase, за да научите най-важното от деня!

Më shumë nga rubrika

"Provadia - Kriporja" është kandidate për Etiketën e Trashëgimisë Evropiane

Kompleksi prehistorik "Provadia - Kriporja" – kriporja dhe qendra më e vjetër urbane në Evropë (5600 - 4350 para Krishtit), është ndër objektet e propozuara për Etiketën e Trashëgimisë Evropiane - 2025. Qytetërimi evropian ka filluar nga..

botuar më 25-03-14 6.36.MD

Kisha “Shën Dyzet Dëshmorët” është një vend i shenjtë për historinë bullgare

Më 9 mars, Kisha Ortodokse nderon kujtimin e Dyzet Dëshmorëve të Shenjtë nga Sebastia e Armenisë. Këta janë 40 luftëtarë trima që refuzuan të adhuronin perënditë e vjetra pagane dhe në vitin 320 pranuan martirizimin për besimin e tyre në Krisht...

botuar më 25-03-09 10.05.PD

Arkeologjia si një kauzë për njerëzit që zbulojnë dhe mbrojnë trashëgiminë tonë historike

Me mbi 40 mijë objektet dhe artefaktet e saj arkeologjike, Bullgaria është një muze i vërtetë në ajër të hapur. Për nga numri i gjetjeve, vendi ynë renditet i treti në botë pas Italisë dhe Greqisë. Nga epoka neolitike, tetë mijëvjeçarë më parë, deri..

botuar më 25-03-07 7.05.PD