Integrimi evropian i vendeve të Ballkanit Perëndimor është në interes të tërë regjionit ballkanik dhe të Bashkimit Evropian. Bullgaria do të vazhdojë të mbështesë përpjekjet e fqinjëve të saj në këtë proces. Këtë e deklaroi Presidenti Rumen Radev në takimin sot me Kryeministrin e Shqipërisë Edi Rama. Kreu i shtetit konfirmoi mbështetjen e vendit tonë për gatishmërinë e Shqipërisë për të filluar bisedimet e anëtarësimit në BE, njoftoi zyra e shtypit e Presidentit.
Bullgaria vlerëson lart arritjet e Shqipërisë në përmbushjen e kritereve të Kopenhagës për anëtarësimin, duke përfshirë qëndrimin evropian ndaj pakicave kombëtare në vend, ndër të cilat është edhe ajo bullgare, theksoi Rumen Radev. Është me rëndësi të madhe që procesi i integrimit evropian në Ballkan të mbështetet në rezultate të qëndrueshme dhe të pakthyeshme gjatë formimit të marrëdhënieve të miqësisë dhe fqinjësisë së mirë në rajon, për të cilat Shqipëria është një shembull i shkëlqyeshëm, vuri në dukje Kreu i Shtetit.
U shpreh njëzëri mendimi se dialogu i drejtpërdrejtë dypalësh aktiv midis vendeve të veçanta, si dhe takimet e nivelit të lartë, ofrojnë një mundësi për të kërkuar dhe gjetur zgjidhje të përbashkëta për të ardhmen.
Shqipëria kërkon të përmirësojë më tej cilësinë e arsimit dhe shkencës në vend dhe do të punojë për të zgjeruar partneritetet në këtë fushë, si dhe për të tërhequr universitete të huaja prestigjioze në territorin e saj, tha Edi Rama. Kryeministri shqiptar theksoi interesin e të rinjve shqiptarë ndaj universiteteve bullgare dhe drejtoi ftesë që një universitet kryesor bullgar të hap një filial të vet në Shqipëri.
Shkupi pretendon se Bullgaria nuk ka një projekt për lidhje hekurudhore përgjatë Korridorit nr.8 Ndërtimi i linjës hekurudhore nga Kriva Pal в anka deri në Bullgari përgjatë Korridorit nr. 8 mund të humbasë financimin nga BE-ja për shkak..
Kreu i shtetit Rumen Radev bëri thirrje për veprime konkrete të menjëhershme nga qeveria bullgare dhe institucionet evropiane për respektimin e parimeve evropiane për zgjerimin e Bashkimit Evropian. “Qeveria e re në shtetin tonë fqinj ka treguar..
Festa e Frymës së Shenjtë në Bullgari shënohet edhe si Dita e Maqedonisë. Tradita filloi pas Kryengritjes së Ilindenit të vitit 1903, pasi fillimisht ishte Dita e Luftës për Maqedoninë dhe Edrenenë, dhe pas Luftës së Parë Botërore u bë "Dita e..
Kreu i shtetit Rumen Radev bëri thirrje për veprime konkrete të menjëhershme nga qeveria bullgare dhe institucionet evropiane për respektimin e parimeve..
Shkupi pretendon se Bullgaria nuk ka një projekt për lidhje hekurudhore përgjatë Korridorit nr.8 Ndërtimi i linjës hekurudhore nga Kriva Pal..