Më pak kërkesa për votim jashtë vendit janë paraqitur deri më tani sesa në zgjedhjet parlamentare të prillit. Deri më tani, 37 000 bashkatdhetarë tanë kanë aplikuar jashtë vendit, përderisa në zgjedhjet e dy muajve më parë numri i tyre i përgjithshëm ishte 80 000. Kjo u njoftua nga Ministria e Punëve të Jashtme.

568 seksione jashtë vendit hapen automatikisht dhe sipas Ministrisë së Jashtme numri i tyre do të arrijë në 800. Numri më i madh i seksioneve të reja pritet të jetë në Britaninë e Madhe.

Në Turqi te momenti numri i seksioneve është 110.

Në Gjermani numri i seksioneve pritet të jetë 105.

Kalin Anastasov - Zëvendës Kryetar i Grupit të Punës “Zgjedhjet” në Ministrinë e Punëve të Jashtme (MPJ), komentoi se, “Ndoshta do të ketë një situatë në të cilën me dy herë më shumë seksione nuk do të jemi në gjendje të arrijmë rezultatet e zgjedhjeve në prill”. Sipas tij, arsyeja për këtë mund të jetë sezoni i pushimeve.

Meqenëse KQZ nuk ka kontraktuar ende furnizimin e makinave shtesë, ekziston rreziku që të mos ketë votim makinerish jashtë vendit, pranoi kryetari i grupit të punës Ivan Kondov.

Zgjedhjet jashtë vendit do të kushtojnë mbi 7 milion leva.