Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Arti rumun prezantohet në Galerinë e Qytetit në Varna

4
Andrei Ciubotaru
Foto: arkiv "UNArte"

Vepra të reja grafike dhe skulpture nga 15 autorë të njohur rumunë, profesorë në Universitetin e Arteve në Bukuresht "UNArte" mund të shihen në Galerinë e Arteve të Qytetit "Boris Georgiev" - Varna deri më 15 qershor. Kuratori i projektit është Ovidiu Croitoru, i njohur në rrethet artistike bullgare, i cili vitin e kaluar prezantoi punimet e tij retrospektive nga 20 vitet e fundit në një ekspozitë më vete në kryeqytetin tonë detar Varna. Croitoru është shef i departamentit të grafikës në "UNArte" dhe është shumë i motivuar për të zhvilluar më tej aktivitetet ndërkombëtare të universitetit. Kjo ekspozitë është rezultat i një bashkëpunimi të tillë ndërkombëtar midis Departamentit të Arteve Pamore në Universitetin e Shumenit "Peshkopi Konstantin Presllavski" të udhëhequr nga Prof. Valeri Çakallov ,dhe "UNArte" - Bukuresht.

Carmen Apetrei

Sipas fjalëve të kuratorit ekspozita është kompakte, ndërsa punimet - shumë të ndryshme dhe të ngarkuara me thellësi në paraqitjen e gjendjeve nëpër të cilat kalojnë artistët, veçanërisht gjatë një pandemie. "Pas një kohe kaq të gjatë, gjatë së cilës pandemia na mbajti larg artdashësve, ne jemi të lumtur të vijmë në Varna," tha Ovidiu Croitoru.

Prof. Valeri Çakallov, me ftesë të të cilit po zhvillohen marrëdhëniet me Universitetin e Arteve në Bukuresht, pranon se në kushtet e pandemisë ka pasur sfida shumë serioze para të gjithë profesorëve. Një nga më të mëdhatë ishte ruajtja e lëvizshmërisë së praktikave artistike. Janë bërë përpjekje jashtëzakonisht serioze në drejtim të komunikimit të drejtpërdrejtë vizual. Prof. Çakallov dhe Ovidiu Croitoru janë të bindur se në këto kohë të vështira për artin dhe komunitetin akademik, ekspozita të tilla ruajnë besimin e artistëve në urat që ata ndërtojnë me punën e tyre.

Përpiloi: Vesella Krësteva

Përgatiti në shqip: Vesella Mançeva




Последвайте ни и в Google News Showcase, за да научите най-важното от деня!

Galeria

Më shumë nga rubrika

Valle indiane në Kopshtin e Detit në Burgas

Interpretuesit e vallëzimeve klasike indiane do të zhytin Burgasin në ritmin e kulturës indiane më 14 gusht në orën 20:30 në skenën e hapur "Kërmilli" në Kopshtin e Detit, njoftoi Bashkia e Burgasit. Programi Rasa-Nishpatti përmban..

botuar më 24-08-14 7.05.PD

“Dialog" mes një gruaje koreane dhe bullgarëve në Galerinë e Arteve të Ruses

Ekspozita e përbashkët “Dialogu” e Kënço Kënev dhe Valeri Llazarov me koreanen Çoi Xhi Yn prezantohet në Galerinë e Arteve në Ruse. "Bota ndjen një nevojë të madhe për dialog dhe tolerancë. Në këtë mjedis të tensionuar ndërkombëtar, njerëzit..

botuar më 24-08-11 7.05.PD

Shkrimtare nga 7 vende janë në një kamp krijues në Çepellare në Rodope

Çepellare u bë një strehë krijuese për 10 gra shkrimtare nga Bullgaria, Spanja, Polonia, Ukraina, Belgjika, Britania e Madhe dhe Serbia, raportoi BTA. Qyteti i Rodopeve pret për të dytin vit rezidencën e shkrimtareve “Gratë në mal”, e..

botuar më 24-08-10 5.00.PD