Kryeprokurori Ivan Geshev ftoi Zëvendës Kryeministrin dhe Ministër të përkohshëm të Brendshëm Bojko Rashkov në një takim pune. Njoftimi erdhi pasi qeveria akuzoi prokurorinë në orvatje për të ndërhyrë në punën e saj. Arsyeja për pozicionin e kabinetit ishin veprimet e prokurorisë dhe thirrja e shefave të rinj të Drejtorisë së Përgjithshme për Luftimin e Krimit të Organizuar, Agjencisë Shtetërore të Sigurimit Kombëtar, Operacioneve Teknike, si dhe kontrolli i banesës së Angel Papalezov nga Policia Kombëtare pa asnjë akuzë.

Zëdhënësi i qeverisë Anton Kutev akuzoi prokurorinë për përpjekjen për të ndërhyrë në punën e pushtetit ekzekutiv dhe paralajmëroi se veprimet e saj mund të përshkallëzohen në një luftë të hapur midis institucioneve.

Ndërkohë, Elena Fiçerova, e cila u emërua shefe e kabinetit të Bojko Rashkov, paraqiti një kërkesë për lirim vullnetar. Emërimi i saj në Ministrinë e Brendshme shkaktoi polemikë, pasi informacioni e lidhi atë me partinë “Verë Bullgare” të Vasill Bozhkov.