Ministrat e Kulturës të Bullgarisë dhe Maqedonisë së Veriut u takuan në Sofje. Profesorët Velisllav Minekov dhe Irena Stefoska theksuan se ruajtja e trashëgimisë kulturore është një përparësi për të dy vendet, kështu që ata do të mbështesin njëri-tjetrin në dialogun e tyre me UNESCO.

Të dy vendet do të hartojnë dhe do të nënshkruajnë një Program për Bashkëpunim në Fushën e Kulturës për një periudhë të re 3-vjeçare. U diskutua mundësia për mësim të studentëve maqedonas në Akademinë Kombëtare të Arteve në Sofje dhe për shkëmbimin e avancuar të stafit dhe ndërveprimin midis institucioneve kulturore në të dy vendet. Si hap i parë, do të realizohet një vizitë shkëmbimi e filarmonive kombëtare e cila është e planifikuar për në vjeshtë.