6 parti janë të sigurt se do të hyjnë në parlamentin e ri bullgar, sipas regjistrimit paralel të agjencisë “Gallup International” me zbatimin 100 për qind të fragmentit të plotësuar.

Koalicioni GERB-SDS fiton zgjedhjet parlamentare me 25.2 për qind, “Ka një popull të tillë” është forca e dytë me 17.5 për qind, ndjekur nga BSP – 15.2 për qind, DPS – 11 për qind dhe “Bullgaria Demokratike” – 10.5 për qind. Pengesa prej 4 për qind për të hyrë në parlament është ende duke u kapërcyer nga “Ngrihu! Kriminelët jashtë!” me 4.9 për qind. Të rillogaritur në mandate në parlamentin e ri koalicioni GERB-SDS do të ketë 72 deputetë, “Ka një popull të tillë” - 50, BSP - 43, DPS - 31, “Bullgaria Demokratike” - 30 dhe “Ngrihu! Kriminelët jashtë!” - 14 deputetë.

VMRO mori 3.9 për qind të votave dhe mbeti jashtë parlamentit të ri. Bashkimi Kombëtar Bullgar - BNO - 3.3 për qind, Vëzrazhdane - 2.2 për qind, Koalicioni Patriotik Volja – NFSB - 2.1 për qind, Republikanët për Bullgarinë - 1.4 për qind gjithashtu mbeten nën vijën për të hyrë. 1.5 për qind janë ata që votuan “Nuk përkrah askënd”. Pjesëmarrja ishte 46.6 për qind.

Numërimi i protokolleve të seksioneve nga “Shërbimi Informativ” vazhdon. Të dhënat e përkohshme nga 66.94 për qind e protokolleve të prezantuara tregojnë se parlamenti i ri përfshin 6 formacione politike: koalicioni GERB-SDS - 25.63 për qind; “Ka një popull i tillë” -18.34 për qind; “BSP për Bullgarinë” – 14.87 për qind; “Bullgaria Demokratike” - 10.27 për qind; DPS - 9.08 për qind; “Ngrihu! Kriminelët jashtë!” - 4.95 për qind.