Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

U nda nga jeta legjenda bullgare e kinemasë dhe teatrit Tatjana Llollova

Tatjana Llolova
Foto: Ani Petrova

Aktorja e madhe bullgare e teatrit, filmit dhe televizionit Tatjana Llollova vdiq në moshën 87 vjeç. “Unë nuk jam yll, unë jam diell”, thoshte me shaka aktorja që kur ishte e gjallë.

Ajo lindi më 10 shkurt të vitit 1934 në Sofje. Babai i saj ishte bullgar ndërsa nëna - me origjinë ruso-ukrainase. Tatjana Llollova u diplomua për aktrim në vitin 1955 në Sofje. Në 1957 ajo u bë aktorja e parë e emëruar zyrtarisht në trupën e Teatrit Satirik.

Tatjana Llollova ishte një aktore e dalluar me një gamë të gjerë imazhesh komike dhe satirike, por edhe me një talent tronditës dramatik. Ajo është mbajtëse e shumë çmimeve për punën krijuese. Tatjana Llollova do të mbetet në kujtesën e brezave bullgarë me praninë e saj unike në skenë.

“Unë nuk e di si të kursehem, gjithmonë këndoj si për herë të fundit” - thotë heroina e Tatjana Llollovës në “Duende” - monospektakël që aktorja luante para sallave të mbushura me njerëz për 15 vjet me radhë.

Tatjana Llollova gjithmonë ka theksuar se marrëdhëniet e saj me Radion Kombëtare Bullgare kanë një histori të pasur. “Unë kam punuar në Redaksinë “Humor, Satirë, Argëtim” të Radios Kombëtare Bullgare, lexova edhe tekste poetike në eter. Vite me radhë drejtova një transmetim në Redaksinë “Muzikë Popullore”. E pëlqej folklorin bullgar, por nuk mund të interpretojë mirë asnjë këngë popullore bullgare. Sidoqoftë zëri im “hyri” në shtëpitë e mijëra, ndoshta miliona adhuruesve të traditës sonë. Në atë kohë, mora shumë letra nga dëgjuesit që ndiqnin programet. Kam marrë pjesë edhe në programet në gjuhën franceze të Radio Bullgarisë. Kjo media do të thotë aq shumë për mua sa nuk mund ta them me disa fjalë. Dhe nuk dua të flas për një kohë të gjatë”, rrëfeu artistja në një intervistë për Radio Bullgarinë.

Mishëruar në shumë role në teatër, kinema dhe televizion, ajo me të drejtë quhet tërbim, objekt i panjohur fluturues, aktore e madhe dhe titanike. Sinqeriteti, cenueshmëria, forca dhe mençuria në vjetorin e 80 të saj të bukur ruhen në dokumentarin ”Portreti i një Zonje” nga regjisorët Ema Konstantinova dhe Georgi Toshev.

U prehtë në paqe!

Ju ofrojmë këngën “Kuti për kujtim” në interpretim të artistes Tatjana Llolova nga tetori 2020 në kuadrin e projektit “Artistët këndojnë”.





Последвайте ни и в Google News Showcase, за да научите най-важното от деня!

Më shumë nga rubrika

Penka Kuneva

Në një koncert në Los Anxhelos do të interpretohen vepra nga Penka Kuneva dhe muzikantë klasikë bullgarë

Një koncert në Los Anxhelos me një program tërësisht bullgar, kushtuar festës kombëtare 3 mars , do të mbahet më 21 mars. Këtë e bëri të ditur në një intervistë për Radio Bullgarinë kompozitorja e njohur e filmit Penka Kuneva. Për “Gruan..

botuar më 25-03-21 7.00.PD
Miljo Balltov (1871 - 1951)

Miljo Balltov pikturoi “engjëllin më të gjallë” në kishat e trojeve tona

Piktor ikonash dhe mësues - këto dy fjalë i përmendim gjithmonë kur përpiqemi të ringjallim nga harresa e së shkuarës një piktor që hapat e parë në art i hodhi në vitet e para pas Çlirimit të Bullgarisë nga sundimi osman (1878). I tillë është Miljo..

botuar më 25-03-15 9.25.PD
Artistët për fëmijë

Kinemaja bullgare në fokus në edicionin e 29-të të Sofia Film Fest-it Ndërkombëtar

"Shh... Është koha për një film" - me këtë moto Sofja bëhet kryeqyteti kinematografik i Evropës për dy javët e ardhshme. Edicioni i 29-të i forumit më të madh kinematografik në Ballkan – Sofia Film Festi Ndërkombëtar hapet sonte në sallën nr. 1 të..

botuar më 25-03-13 2.36.MD