Dhjetëra njerëz u mblodhën përpara Ambasadës së Rusisë në Sofje për të shprehur pakënaqësinë e tyre me arrestimin e liderit të opozitës Aleksej Navallni. “Arma e vetme e Navallnit është e vërteta, dhe në Rusi për këtë arrestojnë. Motoja jonë është “Shikoni Rusinë dhe mendoni për Bullgarinë”, theksuan protestuesit.

Demonstrata u organizua nga opozitari rus Evgenji Çupov, i cili një vit më parë kërkoi strehim politik në Bullgari. Më shumë se 120 shtetas rusë u mblodhën gjithashtu para Konsullatës së Përgjithshme Ruse në Varna.

“Ne dënojmë arrestimet e demonstruesve paqësorë që mbështesin Aleksej Navallni në të gjithë Rusinë dhe kërkojmë lirimin e tyre të menjëhershëm. Liria e protestës paqësore duhet të respektohet”, shkroi Ministrja e Jashtme Ekaterina Zaharieva në Twitter lidhur me arrestimet e shumta të mbështetësve të Aleksej Navallni gjatë protestave masive civile në Rusi.