Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Bullgarët në Reading po përgatiten për Krishtlindjet dhe Vitin e Ri

Foto: arkiv personal

Kur Viktoria Vllahovska transferohet në qytetin Reading - në Britaninë e Madhe, kupton se shkolla bullgare, në të cilën do të shkojë vajza e saj që të mësoj gjuhën e vet amtare, është më shumë se një orë larg. Diaspora bullgare në Reading është e madhe, prandaj Viktoria vendos të themelojë shkollë në qytet. Gjatë shtatorit të vitit 2017 shkolla bullgare me emrin “Doktor Petër Beron” tanimë është fakt.

“Ne përfshimë rajonin në Reading, Wokingham dhe Bracknell- saktëson mësuesja në lëndën e gjuhës dhe të letërsisë bullgare Cvetanka Stojanova.Në shkollën tonë ka 35 nxënës.Gjuha bullgare është gjuhë e dytë për ta dhe unë dua t’u jap stimul të vazhdojnë ta mësojnë. Në orët e letërsisë i njohim me autorë bullgarë dhe me krijimet të cilat ata i kanë bërë. Një rëndësi të madhe dhe të veçantë ka dhe mësimi i historisë, ku u jep mësim Diana Petrova, sepse ata duhet të dinë  se ku vijnë dhe çfarë do të thotë emri “Bullgaria” për historinë botërore. Një lëndë po kaq e rëndësishme është dhe gjeografia, sepse ajo do t’u ndihmojë  të mësojnë se ku gjendet atdheu i tyre dhe të mund të njihen me krahinën e vet të lindjes.”

Nga e majta në të djathtë: Viktoria Vllahovska, Diana Petrova, Cvetanka Stojanova, Ekaterina Dimitrova.

Gjatë periudhës së bllokimit të parë në Britaninë e Madhe, shkolla në Reading kalon drejt mësimit online.

“Por, tani në etapa po kthehemi në dhomat e klasave. Kemi variant të zhvillojmë dhe një koncert-online, por duam që fëmijët të kenë një ditë  në të cilën të ndiejnë atmosferën e Krishtlindjeve. Në shkollë do të bëjmë kartolina, dekorime, zbukurime të biskotave dhe shumë befasi të tjera” - thotë Viktoria Vllahovska, kurse Cvetanka Stojanova shton:

“Sivjet nxënësit kanë një projekt - “Krishtlindja ime bullgare”, në kuadrin e të cilit duhet të shkruajnë një ese të shoqëruar me fotografi dhe të tregojnë sesi festojnë në familjen e tyre, por sipas traditës bullgare, pa u përzier me zakonet dhe traditat angleze. “

Bullgarët në Reading me një kënaqësi mësojnë këngë krishtlindjesh dhe vjersha, kurse prej mësuesve të vet mësojnë sesi festohet Nata e Buzmit, Krishtlindja, çfarë vendoset në tavolinë në Bullgari.

“Ata dinë sesi pritet Viti i Ri, cilat janë traditat dhe si feston populli bullgar. Kurse për 1 janarin kanë punuar survaçka /thupra të zbukuruara thane/ dhe me padurim presin festën, që të përurojnë prindërit dhe shokët e vet. Vjet punuan maska të kukerëve” - tregon mësuesja Ekaterina Dimitrova.

Gjatë vitit 2019 shkolla vë themelin e një tradite interesante: kalendarë me piktura. Atëherë tema ishte “Shenjtorët bullgarë - ditët e emrit”.

Shumë nga nxënësit mbajnë emra të shenjtorëve, por asnjë prej tyre nuk dinte se çfarë është dita e emrit dhe se përse festohet, prandaj u qe shumë interesante të mësojnë - shënon Viktoria Vllahovska. Kurse projekti ynë i ri është i lidhur me këtë të studiojnë ndonjë festë bullgare ose traditë, t’u përgjigjen pyetjeve të lidhura me të dhe të pikturojnë ndonjë send lidhur me festën. Që të gjitha pikturat u bënë të shkëlqyera dhe zbukurojnë kalendarin e ri për vitin 2021.”

Shkolla në Reading krenohet dhe me bibliotekën e vet mobile. Ajo gjendet në një automobil, kurse nxënësit lexojnë me interes fabula, përralla popullore bullgare, libra për fëmijët.

“Ne mundohemi të formojmë dije, mjeshtëri dhe një qëndrim pozitiv ndaj kulturës bullgare, ndaj festave popullore dhe traditave, t’i afrojmë përmes gjuhës bullgare me historinë dhe traditat e popullit bullgar - thotë Viktoria Vllahovska. Por, më tepër formojmë ndjenjën për një bashkësi, sepse për ne kjo është me një rëndësi të madhe.”

Përgatiti në shqip: Nataniela Vasileva

Foto: arkiv personal




Последвайте ни и в Google News Showcase, за да научите най-важното от деня!

Më shumë nga rubrika

Kirill Vëllçev

BTA prezanton një font unik me rastin e përvjetorit të saj

Më 16 shkurt 2025 bëhen 127 vjet nga botimi i buletinit të parë të Agjencisë Telegrafike Bullgare (BTA), të nënshkruar nga drejtori i parë i saj Oskar Iskander. Agjencia u krijua në vitin 1898 me një dekret të Princit Ferdinand I, i modeluar sipas Agjencisë..

botuar më 25-02-16 7.55.PD

Gëzuar 89 vjet, Radio Bullgaria!

Më 16 shkurt Radio Bullgaria feston 89 vjetorin e saj. Gjatë gjithë këtyre viteve, media jonë shumëgjuhëshe ka qenë jo vetëm një kanal informacioni, por ka krijuar një lidhje të paçmuar me audiencën tonë në mbarë botën. Sot Radio Bullgaria ofron përmbajtje..

botuar më 25-02-16 6.45.PD
Foto: Shoqata Bullgare për Mbrojtjen e Zogjve

Një lajm i mirë – pelikani i parë i sezonit u çel pranë Tutrakanit

Pak ditë më parë, zogu i parë i pelikanit dalmat (Pelecanus crispus) i këtij sezoni u çel në zonën e mbrojtur Kalimok - Brëshlen pranë qytetit të Danubit, Tutrakan , njoftoi Shoqata Bullgare për Mbrojtjen e Zogjve "BirdLife Bulgaria". Prindërit e tij..

botuar më 25-02-15 7.25.PD