Testet e antigjenit do të jenë falas pasi do të barazohen me PCR testet, tha Ministri i Shtetësisë prof. Kostadin Angellov në një brifing në ministri. Ai shtoi, se Bashkimi i Mjekëve Bullgarë përkrah barazimin e testeve sepse kjo është me rëndësi për identifikimin dhe izolimin e të sëmurëve.

Kryetari i Bashkimit të Mjekëve Bullgarë d-r Ivan Maxharov theksoi, se u arrit pajtim me pushtetarët që një përfaqësues i bashkimit të përfshihet në Shtabin Operativ Kombëtar për koronavirusin. “Ne do të insistojmë që të mos lehtësohen masat kundërepidemike para festave, sepse numri i të infektuarve në spital nuk po ulet. Heqja e masave do të çonte në një situatë të vështirë në sistemin shëndetësor”, shtoi d-r Maxharov.

“Masat kundërepidemike duhet të zgjaten të paktën me një javë pas festave të Vitit të Ri", tha në konferencën për shtypin edhe shefi i Arkës Kombëtare të Sigurimit shëndetësor Prof.Petko Sallçev. “Jo si shef i arkës, por si profesor i mjekësisë e përkrah propozimin e ministrit për zgjatjen e masave. Ky afat përfshin edhe festa të tjera për bullgarët. Le të mos mbingarkojmë sistemin”, shtoi Sallçev.