Asociacioni i Kapitalit Industrial në Bullgari (AKIB) përkrahu projektin e planit për rimëkëmbjen dhe për zhvillimin e qëndrueshëm të Bullgarisë në kuadrin e të cilit do të investohen 5.7 miliard euro gjatë 5 viteve të ardhshme. Sipas asociacionit kjo është një mundësi për përkrahje të ekonomisë, biznesit dhe shtetasve bullgarë për përballimin e krizës së koronavirusit. Sipas biznesit në plan duhet t’i kushtohet vëmendje politikës së përballimit të krizës demografike dhe inkurajimit të teknologjive të gjelbra.

Asociacioni këmbëngul edhe për financimin e fondit gjenetik bullgar të varieteteve të bimëve dhe të racave të kafshëve duke përfshirë edhe stimulimin e prodhuesve bujqësorë për të rritur bimë dhe kafshë me pastërti të garantuar për nevojat e një fondi të tillë gjenetik.