“Me ekipin tim kishim takim të frytshëm me mikun tonë nga Maqedonia e Veriut dhe kryeministër të saj (1998-2002) Ljubço Georgievski.” Këtë e shkroi në profilin e saj në Facebook zëvendës kryeministrja dhe ministre e punëve të jashtme Ekaterina Zaharieva.

Në një intervistë për Agjencinë BGNES Georgievski tha, se qëllimi i vizitës së tij në Sofje është për të ngrohur marrëdhëniet midis dy palëve të cilat do të çojnë në zgjidhjen e mosmarrëveshjeve midis tyre. “Ka një film “Të humbur në përkthim”. Mendoj, se Bullgaria dhe Maqedonia e Veriut në momentin e tanishëm ndodhen pikërisht në këtë situatë. Secili mendon se tjetri në një farë mënyre po e merr diçka dhe po e kërcënon në një farë mënyre. Kjo krijon një ndjenjë armiqësie”, tha Georgievski.

Sipas tij nuk do të jetë një zgjidhje e mirë nëse për shkak të mosmarrëveshjeve Bullgaria vendos të vërë veton në rrugën e Maqedonisë drejt BE-së.