Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Ministri Gent Cakaj: Shqipëria do të respektojë të gjitha të drejtat e pakicës bullgare

Ministri Gent Cakaj dhe Nënpresidentja Iliajana Jotova
Foto: BTA

Pas njohjes zyrtare të pakicës etnike bullgare në Shqipëri në vitin 2017 ajo disponon të gjitha të drejtat, përfshi këtu dhe mundësinë për mësimin e gjuhës amtare, vuri në dukje Ministri në detyrë për Evropën dhe Punët e Jashtme të Shqipërisë Gent Cakaj para Nënpresidentes Ilijana Jotova, njoftoi zyra e shtypit e Presidencës.

Nënpresidentja bullgare e falënderoi palën shqiptare për njohjen e minoritetit bullgar dhe shprehu dëshirë që shtetasit shqiptarë me prejardhje bullgare të mësojnë gjuhën bullgare në shkollat shqiptare. Në vitin 2017 Ilijana Jotova u takua me shoqatat bullgare në Tiranë dhe Gora dhe që prej atëherë ajo mirëmban marrëdhënie të shkëlqyera me to. Nënpresidentja vuri në dukje se aktualisht bullgarishtja mësohet në mënyrë fakultative në Universitetin e Tiranës dhe shtroi çështjen që ajo të mësohet në një kurs, ose profil në kuadrin e disiplinës “Filologji Sllave”

Në takim u shqyrtua edhe regjistrimi i popullsisë në Shqipëri gjatë vitit 2021. “Jam e bindur se shteti shqiptar do të bëjë të gjitha përpjekjet që të mos ketë presion mbi minoritete”, theksoi Jotova. Nga ana e vet Ministri Cakaj nënvizoi shprehimisht se regjistrimi i popullsisë do të zhvillohet në kushtet e një transparence të plotë.

Integrimi evropian i vendeve nga Ballkani Perëndimor ishte një theks tjetër në bisedime. “Jemi të bindur se anëtarësia evropiane e Ballkanit Perëndimor është garant për stabilitetin në tërë regjionin dhe në Evropë”, deklaroi Ilijana Jotova.

Miku shqiptar shprehu njohjen e vjet për përkrahjen e pandërprerë të Bullgarisë dhe shtoi se megjithë problemet e BE-së për Shqipërinë nuk ka rrugë tjetër dhe se Evropa e Bashkuar nuk do të jetë e tërë pa Ballkanin Perëndimor.

Nënpresidentja bullgare propozoi krijimin e grupeve të punës mes dy shteteve tona. “14 vjet më vonë Bullgaria mund të jetë një këshilltare shumë e mirë jo vetëm për çështjet politike, por edhe për ato teknike”, shënoi ajo dhe theksoi rëndësinë e Procesit të Berlinit për zhvillimin e kësaj pjese të Evropës, por shprehu keqardhjen e vet se projektet në kuadrin e tij nuk zhvillohen me tempin e domosdoshëm, sidomos sa i përket Korridorit Nr. 8.

Nënpresidentja ia dhuroi Ministrit Cakaj vëllimin e parë të librit të doc. dr. Spas Tashev “Komunitetet bullgare në Ballkanin Perëndimor. Proceset politike dhe pasojat etnografike dhe demografike (1913-2019)” kushtuar Shqipërisë.


Последвайте ни и в Google News Showcase, за да научите най-важното от деня!

Më shumë nga rubrika

Ngjarjet me adresë ballkanike

Një koncert në Maqedoninë e Veriut u shndërrua në një tragjedi të përgjakshme Maqedonia e Veriut u zhyt në pikëllim. Një koncert i grupit të njohur hip-hop DNA, që synonte të ishte një festë në jetën e qytetit të vogël të Koçanit, u kthye në..

botuar më 25-03-22 9.15.PD
Grafika: Agjencia sociologike

Votuesit nuk duan zgjedhje të reja parlamentare

Gati gjysma e bullgarëve preferojnë që qeveria të vazhdojë të qeverisë dhe nuk duan zgjedhje të reja. Por shumica nuk beson se kabineti i kryeministrit Rosen Zheljazkov do të ketë një mandat të plotë. Këtë e tregon një studim përfaqësues i qendrës..

botuar më 25-03-21 9.50.PD

Shtimi i numrit të partive në parlamentin bullgar dhe sinjalet ndaj procesit zgjedhor

Pothuajse pesë muaj pas zgjedhjeve të fundit të parakohshme parlamentare në Bullgari, Legjislatura e 51-të të Kuvendit Popullor “u zmadhua” me një parti dhe tani përbëhet nga nëntë formacione politike rekord. Gjykata Kushtetuese shpalli 16..

botuar më 25-03-18 7.05.PD