Njerëzit që kërkojnë ndihmë urgjente në qendrat e krizës janë detyruar të paguajnë për PCR test, që të mund të përfitojnë nga shërbimet sociale, shkruhet në instruksionin e Agjencisë së Ndihmës Sociale që nga muaji qershor. Për këtë absurd shkruan gazeta “Sega”, duke u mbështetur te sinjale të nëpunësve nga institucionet sociale.

Në këto qendra krize zakonisht kërkojnë ndihmë viktimat e trafikut të njerëzve dhe dhunës, të cilët kanë nevojë për ndihmë urgjente. Mirëpo, që të mund të marrin këtë përkrahje ata duhet ta paguajnë PCR-testin – rreth 120 leva (60 euro) – një shumë, të cilën shpeshherë nevojtarët nuk e disponojnë, dhe t’i presin rezultatet.