Më 3 dhe 4 tetor, vendi ynë mbledh miq nga Evropa, Lindja e Afërt dhe Azia Qendrore që të mund të shijojnë çudinë e migracionit të shpendëve. Kjo është një nga ngjarjet më të mëdha ndërkombëtare e cila organizohet nga Shoqëria Bullgare për Mbrojtjen e Zogjve, si një partnere e BirdLife International që nga viti 1993 e këtej. Deri tani, për 26 vjet në të kanë marrë pjesë mbi 1 milionë veta, të cilët kanë vërejtur më shumë se 75 milionë shpendë.

Sivjet Ditët Evropiane të Shpendëve koordinohen në një nivel ndërkombëtar nga Shoqëria Ornitologjike Sllovake /BirdLife Sllovakia/. Qytetet mikpritëse të ngjarjes në Bullgari janë Sofja, Varna, Haskovo, Svishtov dhe Goce Dellçev. Përveç vërejtjes së shpendëve, janë parashikuar dhe prezantime për llojet e rrezikuara dhe migrimet e tyre, ekskursione, tryeza të rrumbullakëta e të tjera. Ato do të zhvillohen duke u respektuar masat epidemiologjike, vë në dukje në njoftimin e vet Shoqëria Bullgare për Mbrojtjen e Zogjve.

,