90 fëmijë do të frekuentojnë shkollat bullgare të së dielës në Turqi gjatë vitit të ri shkollor. Njëra shkollë është në Stamboll, tjetra në Edrene.

Në Shkollën e Ekzarkisë Bullgare në Stamboll nuk mësojnë vetëm fëmijë. Aty ofrohet edhe mësimi i gjuhës bullgare për të moshuar. Viti shkollor në qytetin e Bosforit do të fillojë me mësimin online, sepse masat për shkak të koronavirusit janë shumë të rrepta.

Afro 30 fëmijë do të mësojnë në shkollën e Stambollit përderisa në Edrene – u regjistruan 60. Për arsye se fëmijët sivjet janë më shumë se sa vitin e kaluar shkollor edhe subvencionimet për shkollën e së dielës do të jenë më të larta.

Gjatë vitit të ri shkollor 2020/2021 fëmijët bullgarë jashtë kufirit do të mësojnë në 382 shkolla të së dielës të shpërndara në disa kontinente.

Pritet që 40 mijë fëmijë bullgarë me ndihmën e 4 mijë mësuesve të frekuentojnë orët mësimore të gjuhës bullgare, të historisë, të gjeografikes dhe të folklorit anë e mbanë botës.

Përpilues: Diana Cankova

Përgatiti në shqip: Svetllana Dimitrova