Pushtetarët thirrën në Parlament Ministrin e Brendshëm Hristo Terzijski me rastin e rritjes së tensionit të protestave në Sofje, kur u lënduan shumë policë dhe qytetarë.

Duam përkrahje të plotë për veprimet e policisë, deklaroi në emër të partisë në pushtet GERB deputeti Toma Bikov. “Pas ngjarjeve të djeshme nuk do të japim dorëheqje..., sepse në qoftë se e bëjmë kjo do të thotë se çdo një qeveri e ardhshme mund të rrëzohet nga përfaqësues të botës kriminale”, shtoi Bikov.

Ky pushtet mbështetet tek mburojat e policisë, u përgjigjën në një kontra-deklaratë nga Partia Socialiste Bullgare (BSP) dhe kërkuan që Kryeministri Bojko Borisov të shkojë në Parlament, që  të përgjigjet për ngjarjet.