Serbia vendos test i detyrueshëm PCR për të gjithë që hyjnë në territorin e saj

Shtetasit e Bullgarisë, Kroacisë, Maqedonisë së Veriut dhe Rumanisë që hyjnë në Serbi duhet të kenë PCR test negativ bërë jo më vonë se sa 48 orë, transmetoi Nova TV. Vendimi hyn në fuqi nga 15 gusht dhe nuk sillet për shtetasit serbë që vijnë nga ato vende. Nga 15 gusht hiqen kufizimet për shtetasit e Malit të Zi për hyrje në Serbi.

176 janë të infektuarit nga Covid-19 të zbuluara nga 5877 teste

176 janë të infektuarit nga Covid-19 të zbuluara në Bullgari gjatë 24 orëve të fundit. Kjo përbën 2.99 për qind nga 5877 teste të realizuara. Këtë e tregojnë të dhënat e Portalit Unik Informativ. 14069 janë të gjitha rastet e zbuluara të koronavirusit në Bullgari që nga fillimi i pandemisë deri tashti. Prej tyre aktiv janë 4684. Numri i përgjithshëm i të vdekurve është 484. Në spital me koronavirus të zbuluar janë 824 veta, prej të cilëve 63 janë në reparte intensive. Deri tashti u shëruan 8901 veta. 422 janë të shëruarit gjatë 24 orëve të fundit.

Ministri i shëndetësisë thekson, se situata me Covid-19 është nën kontroll

“Të gjitha vatrat e koronavirusit janë të zbuluara dhe spitalet mund të përballojnë situatën”, tha ministri i shëndetësisë Kostadin Angellov. Sipas tij nuk ka rrezik që spitalet të mbeten pa shtretër, pa mjete mbrojtëse dhe pa dezinfektues. Ministër Angellov u bëri thirrje bullgarëve që të shfaqin përgjegjësi ndaj vetes dhe ndaj të afërmve, sidomos ndaj të moshuarve me sëmundje kronike.

Imuniteti për koronavirusin vazhdon të paktën disa muaj

“Pjesa e madhe e të shëruarve nga koronavirusi ose nga të infektuarit me Covid-19 pa simptoma formojnë antitrupa”, tha para BNR docentja Snezhina Mihajllova, imunologe në Spitalin Aleksandrovska. Në botë aktualisht po krijohen më se 140 vaksina 30 prej të cilave janë në etapë të testimit klinik. Sipas saj kjo do të thotë se iu shpresohet përgjegjës imune. Në se nuk ka përgjigja imune ndaj virusit nuk do të ishte e mundshme të krijohet vaksinë, theksoi docentja. “Në etapën e tanishme mund të bëhen konkluzione indirekte, se imuniteti zgjatet të paktën disa muaj.” Lidhur me këtë docentja Mihajllova shprehu supozimin se imuniteti duhet të zgjatet më shumë siç është te infeksionet e tjera.

Gjithçka më të rëndësishme për COVID-19 në shqip mund të lexoni në seksionin tonë të posaçëm për koronavirusin.

Mund të gjeni informacion aktual për koronavirusin dhe masat në Bullgari në akoma 9 gjuhë në ueb sajtin e Radio Bullgarisë.