GRAFF EXPRESS mbërrin në Stacionin Qendror të Sofjes, për të përmbushur me ngjyrë dhe mesazhe hapësirën e qytetit. Në edicionin e parë të art festivalit 8 artistë profesionalë bullgarë do të punojnë në nënkalesën e stacionit hekurudhor mbi një krijim të përbashkët konceptual, i cili e trajton vendin nëntokësor si një udhëkryq të njerëzve dhe të fateve dhe kryeqytetin si një qytet mikpritës multikulturor. Projekti do të dërgojë mesazhin për tolerancë në marrëdhëniet e përbashkëta dhe të bashkëjetesës, që të mund përmes gjuhës së artit Sofja të afirmohet si një qytet i tolerancës. Me të po kështu “do të ikë ndjenja gri”, sepse mbishkrimi modern mural ka forcën të frymëzojë për një jetë të re dhe bukuri, besojnë organizatorët e festivalit. Rezultati i transformimit krijues në një sipërfaqe prej  300 metrave katrorë të nënkalesës e cila lidh stacionin e autobusit dhe metronë, do të transmetohet live më 13 gusht.