Pritet që në kuadrin e dy ditëve të dihen ndryshimet eventuale në kabinet dhe veprimet e ardhshme të pushtetarëve, tha para BNT-së zëvendëskryetari i Kuvendit Popullor Valeri Simeonov. U morëm vesh që të mos komentojmë çështjet që kanë të bëjnë me kuadrot derisa të mos mbarojë mocioni i mosbesimit dhe këshilli i koalicionit, shtoi ai.

Simeonov nuk përjashton asnjë variant për ndryshime në kabinet, përfshi këtu dhe një qeveri pa Bojko Borisovin si kryeministër.

Sa u përket protestave kundër qeverisë gjatë 12 ditëve të kaluara zëvendëskryetari i Kuvendit Popullor mendon se ato nuk e përfaqësojnë tërë shoqërinë bullgare. Sipas fjalëve të tij njerëzit që punojnë, prodhojnë dhe kanë biznes të vet nuk janë në këto protesta.