Programi i ditës
Madhësia e tekstit
Radioja Kombëtare Bullgare © 2024 Të gjitha të drejtat janë të rezervuara

Bojko Borisov: Shteti ka nevojë për konsolidim

| rinovuar më 20-07-15 4.16.MD
Bojko Borisov
Foto: BGNES

Në fillim të mbledhjes së sotme të Këshillit të Ministrave, kryeministri Bojko Borisov u shpreh për protestat që vazhdojnë ditën e shtatë me radhë, duke theksuar se shteti ka nevojë për konsolidim. Ai paralajmëroi se mund të pësojnë ditë të këqija në se qeveria bie dhe theksoi se po vjen krizë ekonomike.

Kryeministri komentoi, se kërkesat e protestuesve janë të drejta: “Gjithnjë kam qenë në anën e protestuesve. Ndarja e kombit është aq e madhe që nuk e di sesi do të kapërcejmë muajit e ardhshëm në se nuk kemi plan për stabilitet.”

Përsa i përket shkallëzimit të tensionit të martën në mbrëmje Borisov deklaroi: “Personalisht unë në se shikoj gjak në rrugë menjëherë do të ik. Ata e dinë këtë dhe prandaj hedhin këto qese me bojë të kuqe për të krijuar përshtypjen e gjakut.” Emocionet nuk janë këshilltar i mirë, tha Borisov dhe shtoi, se sovrani i vetëm është populli: “Deri tashti kemi fituar shumë herë në zgjedhje të ndershme dhe respektojmë Kushtetutën dhe demokracinë. Ka rregulla të cilat tregojnë sesi ndërpritet një mandat dhe organizohen zgjedhje transparente”, shtoi ai.

Ndërkohë grupi parlamentar i Partisë Socialiste Bullgare (PSB) paraqiti në parlament votën e pestë të mosbesimit ndaj qeverisë së Borisovit. Pushtetarët parashikuan se edhe ajo do të hidhet poshtë, ashtu siç ndodhi me votat e mëparshme. Menda Stojanova nga GERB komentoi, se opozita e ka të drejtën të paraqesë vota të mosbesimit dhe se kjo është një nga mjetet që dëshmojnë për demokracinë. Valeri Simeonov nga Patriotët e Bashkuar gjithashtu e caktoi votën e kërkuar si një akt normal dhe ishte kategorik: “Do ta votojmë dhe do ta hedhim poshtë”. Grupi parlamentar i Lëvizjes për të Drejta dhe Liri akoma nuk ka vendosur a do të përkrahë votën e mosbesimit, të cilin PSB paraqiti në Kuvendin Popullor.




Последвайте ни и в Google News Showcase, за да научите най-важното от деня!

Më shumë nga rubrika

KE: Maqedonia e Veriut ende nuk i ka përfshirë bullgarët në kushtetutë

"Maqedonia e Veriut ende nuk ka miratuar ndryshimet e nevojshme kushtetuese për të përfshirë në kushtetutë qytetarët që janë pjesë e kombeve të tjera, siç janë bullgarët". Kështu thuhet në një raport për zgjerimin e BE-së, të prezantuar nga..

botuar më 24-10-30 5.52.MD

Votimi jashtë vendit nuk solli ndonjë surprizë të madhe

Një parlament edhe më shumëngjyrësh u përvijua nga vota e zgjedhësve në zgjedhjet e parakohshme parlamentare të 27 tetorit. Parashikimet fillestare ishin për një Kuvend Popullor me 9 parti, por rezultatet që Komisioni Qendror i Zgjedhjeve (KQZ)..

botuar më 24-10-30 8.10.PD

Situata pas votimit: pritshmëria për një qeveri, pavarësisht fragmentimit edhe më të madh të parlamentit

Një tjetër zgjedhje e parakohshme është tashmë pas nesh, por përtej pjesëmarrjes paksa të rritur të votuesve, krahasuar me votat e qershorit të këtij viti, është ende e vështirë të parashikohen konfigurimet politike që do t'i japin një shans formimit..

botuar më 24-10-28 3.39.MD