“Në se sot zhvilloheshin zgjedhjet, GERB-i do të humbiste gjysmën e deputetëve të vet”, tha para BNT Cvetan Cvetanov, i cili para pak kohe ishte personi i dytë në parti, kurse sot ka një projekt të vetë politik. Sipas tij, nga 1 milion e 400 mijë përkrahësit e GERB-it gjatë 2017-së, tani vetëm 600 mijë janë ata që do të votonin për të.

Politikani tha se nuk ishte i pranishëm në protestat e djeshme, por po të duhej të zgjidhte, do të shkonte në atë në përkrahje të institucionit të presidentit. Sipas fjalëve të tij mitingu në “pro” GERB-it ka qenë organizuar nga qeveritarët dhe njerëzit kanë qenë detyruar të vijnë në Sofje nga kryetarët e bashkive të tyre.  “Kjo është mbijetesë në kushtet e krizës dhe partia ka frikë”, mendon Cvetanov.