Programi i ditës
Madhësia e tekstit
Radioja Kombëtare Bullgare © 2025 Të gjitha të drejtat janë të rezervuara

Pema është jetë, madje ajo e thatë

4
Foto: BGNES

Aleksej Aleksiev është autor i mbi 80 kryqeve, miniatura prej druri. I pëlqen të krijojë në ambiente të hapura, t’u japë jetë pemëve të thata. Për fat të keq nga 15 pemët e shndërruara në plastika të bukura, kanë mbetur vetëm dy. Njëra është në oborrin e spitalit të obstetrikës dhe gjinekologjisë në Sofje “Shejnovo”, ndërsa tjetra – në bulevardin “Carigradsko Shose”, afër rrugës “Llatinka” përsëri në kryeqytet. Kalimtarët -“adhurues” të formave të bukura shpeshherë marrin pjesëza prej këtyre veprave në hapësirat e hapura, pa kuptuar se “jashtë kontekstit të tërësisë” ato humbasin esencën e vet.

Këto ditë mjeshtri krijon në lagjen e kryeqytetit “Llozenec”, duke gjallëruar një vishnjë japoneze. Atje, mes tempullit “Ngritja e Kryqit të Shenjtë të Zotit” dhe godinës së Kryqit të Kuq, dy metra larg monumentit të Xhejms Baucher (James Bourchier), ai i jep një jetë të re pemës së thatë për nder të viktimave dhe të të dëmtuarve nga Covid-19.

“Tema është aktuale, ndërsa për shumë njerëz është e dhimbshme – koronavirusi, epidemia në mbarë botën. Kjo pemë është simbol dhe u është kushtuar të gjitha viktimave të koronavirusit në tërë botën. Ende nuk ka monument të tillë. Ky është i pari. Tashmë ka njerëz, të cilët kalojnë atje, e shohin, gëzohen. Mendoj se deri në mes të korrikut do të jetë i gatshëm.”

Aleksej shpreson që vishnja të mbetet e tërë, në dallim të veprave të tij të tjera. “Gjithsesi ka mijëra viktima në të gjithë botën. Nuk bëhet fjalë vetëm për rastet e vdekjes, por edhe për të dëmtuarit nga pikëpamja morale dhe sociale.”  

Vepra më e madhe e Alrksejit është një kryq i dyanshëm me 30 skena nga Dhiata e Re. Në punimin e tij autori ka ndjekur shembullin e veprës së bukur të murgut Rafail nga Manastiri i Rillës. Më shumë se 200 vjet kryqi prej druri, të cilin murgu nuk ka arritur ta mbarojë, sepse e ka humbur të parin, vazhdon të befasojë vizituesit për përsosmërinë e vet. Pikërisht kjo e ka provokuar skulptorin për të krijuar “Kryqin e Aleksejit”. “Kështu e quajtën njerëzit – me emrin tim, vë në dukje Aleksej Aleksiev dhe shton:


“Është punuar prej një bushi 100 vjeçar, të cilin e gjeta të thatë në natyrë. Vetë materiali është unikal dhe prandaj mendoj se rezultati i punës sime ishte shumë i mirë. Desha që të shihet nga sa më shumë njerëz, por ende nuk ka vend ku të ekspozohet.”

Megjithëse shumë prej pemëve të tij-vepra të artit, janë zhdukur, Aleksej nuk ka hequr dorë për të krijuar pemë të tilla të reja. Ai i mbetet besnik edhe qëllimit për të rikrijuar imazhin e mbrojtësit qiellor të Bullgarisë – Shën Ivan Rillski. E ka zgjedhur madje vendin ku të vendoset – në “Doktorskata Gradina” në qendër të kryeqytetit. “Për mendimin tim bullgari ka nevojë për pamjen e një figure të shenjtë. Nuk ka shenjtor tjetër bullgar, i cili të jetë i pranishëm kaq dukshëm në historinë tonë.”

Në përkrahje të idesë është krijuar një komitet i iniciativës, i cili ta bindë bashkinë për të dhënë leje.

Përpiloi: Darina Grigorova, sipas intervistave të programit “Horizont” të BNR-së

Përgatiti në shqip: Vesella Mançeva

Foto: BGNES, Facebook / AlekseyAleksievWoodcarvings



Последвайте ни и в Google News Showcase, за да научите най-важното от деня!

Galeria

Më shumë nga rubrika

Foto: Facebook / Muzeu

Muzeu “Veliki Presllav” prezanton Rrugën e Kirilit dhe Metodit në Bullgari

Me rastin e festës së Shën Kirilit, Muzeu Arkeologjik "Veliki Presllav" prezanton ekspozitën "Në rrugën e nxënësve".  Ekspozita kushtuar krijuesve të alfabetit sllavo-bullgar tregon rrugën e Kirilit dhe Metodit në Bullgari, si pjesë e Rrugës Kulturore..

botuar më 25-02-14 10.41.PD
Shkolla bullgare

Shkolla "Ivan Vazov" në Paris me një sfidë magjike për fëmijët që shkruajnë bullgarisht

Ekipi i shkollës bullgare të së dielës "Ivan Vazov" në Paris po përgatit edicionin e dytë të konkursit letrar ndërkombëtar "Penda magjike". Sfida është për të gjithë fëmijët dhe të rinjtë në mbarë botën që shkruajnë në bullgarisht, pavarësisht nga shkolla..

botuar më 25-02-12 6.10.PD
Maria Bakallova

Maria Bakallova do të jetë partnere me Sylvester Stallone

Maria Bakallova do të luajë një rol kryesor në filmin e ri të Sylvester Stallone "My Masterpiece" (“Kryevepra ime”), njofton faqja e kinemasë profesionale IMDB. Aktorja do të marrë pjesë së bashku me yllin amerikan dhe do të luajë rolin e një vrasëseje me..

botuar më 25-02-11 11.21.PD