“Ekonomia bullgare ka problemet e veta. Ajo është pjesë e ekonomisë evropiane, ku po flasim për recesion jashtëzakonisht të rëndë”.  Këtë e tha në intervistë për BNR ministri i ekonomisë Emill Karanikollov. Ai shpjegoi se do të bëhet një analizë e efekteve të krizës së Covid-19 mbi ekonominë e vendit tonë, por tashmë janë parashikuar masa afatmesme dhe afatgjata. Masat afatgjata do të kenë si qëllim kthimin e ekonomisë bullgare tek parametrat, me të cilat ka hyrë në krizë.

Karanikollovi nënvizoi se pas përfundimit të gjendjes së jashtëzakonshme pritet se një investitor i madh nga sektori automobilistik do të vizitojë Bullgarinë. Kjo është një kompani, e cila në vazhdim të një viti e gjysmë monitoron proceset në Bullgari, shtoi Ministri.