Në një seancë të jashtëzakonshme parlamenti i Bullgarisë dëgjoi kryeministrin Bojko Borisov për gjendjen e vendit si rezultat i pandemisë Covid-19 dhe për efikasitetin e masave të ndërmarra nga qeveria. Ai theksoi se megjithë krizën shumë sektorë të ekonomisë vazhdojnë të punojnë, bujqësia, ndërtimi dhe sektori IT gjithashtu. Në sajë të masës së qeverisë për ndihmë të biznesit 60:40 nga 7 deri në 10 mijë punëtorë në ditë ruajnë vendet e punës, shtoi kryeministri. Ai pranoi se akoma nuk dihet se si vendi do të përballojë problemet në turizëm. Zoti Borisov shtoi se në Bullgari masat për kufizimin e përhapjes së koronavirusit janë relativisht liberale dhe se ajo ka treguesit më të ulët të vdekshmërisë në Evropë. Lideri i Lëvizjes për të Drejta dhe Liri Mustafa Karadajë vlerësoi masat e qeverisë si të mira në etapën e tanishme, por shtoi se është i domosdoshëm plan për rivendosjen e ritmit normal të jetës në vend.