“Nuk mund të pranoj manipulimet se shteti dhe ministria nuk bëjnë asgjë”, tha para BNR-së Ministrja e turizmit Nikolina Angellkova pas kërkesave të organizatave turistike për dorëheqjen e saj. Ministria ka hartuar një strategji për sezonin veror, i cili sivjet do të fillojë vonë – më 1 korrik. Përgatitja për të do të fillojë më 15 qershor.

“Për ne me rëndësi është tregu i brendshëm. Është e natyrshme që bullgarët të parapëlqejnë bregdetin tonë. Po reklamojmë në kuadrin e fushtës “Rizbulo Bullgarinë”, tha Angellkova. Po mendohet për kupona për turizëm në Bullgari, për përdorim falas të çadrave dielli dhe shezlloneve në plazhe. Angellkova pret se Komisioni Evropian do të drejtojë 20% prej fondeve evropiane për rimëkëmbjen e turizmit pas krizës.