Në një videobisedë presidentët e Bullgarisë dhe Gjeorgjisë – Rumen Radev dhe Salome Zourabichvili diskutuan zhvillimin e korridoreve energjike, digjitale dhe transportuese në rajonin e Detit të Zi. Ato do të kenë një rol jashtëzakonisht të madh pas përfundimit të krizës së shkaktuar nga Covid-19. Prandaj është me rëndësi të vazhdojë dhe zbatimi i projekteve të përbashkëta mes Bullgarisë dhe Gjeorgjisë, konstatuan presidentët.

Ata janë unanimë se në krizë ka nevojë për balancë mes masave shëndetësore, sociale dhe ekonomike. Radevi nënvizoi përkrahjen e Bullgarisë për sovranitetin dhe tërësinë territoriale të Gjeorgjisë, kështu dhe për integrimin e saj evropian dhe atlantik.