Në orën 08.00 të 21 prillit (orë bullgare) Shtabi Operativ Kombëtar për luftimin e Covid-19 bëri të ditur se gjatë 24 orëve të fundit rastet e reja të konfirmuara të Covid-19 në Bullgari janë 51. Kështu numri total i të infektuarve të regjistruar bëhet 966, ose me 5.6% më shumë në krahasim me ditën e djeshme. Numri i përgjithshëm i të infektuarve me simptoma të shfaqura është 752. 22 prej të gjithë të regjistruarve janë në kryeqytet. Në Sofje ka 556 raste dhe ajo po vazhdon të jetë vatra më e madhe e infeksionit në vend. Rritje të konsiderueshme të saporegjistruarve ka në Pleven – 19. Në Burgas ka 5 raste të reja, në Kjustendill – 2, ndërsa në Sliven dhe Haskovo – nga një. Numri i punonjësve mjekësor të infektuar me Covid-19 shkoi në 80, me 4 raste të reja gjatë 24 orëve të fundit. Të shëruarit janë 170,ose 17.6% e të gjithë të regjistruarve, me akoma tre pacientë të shëruar gjatë 24 orëve të fundit. Kanë vdekur akoma 2 veta.