Shefi i Shtabit Operativ Kombëtar për luftimin e koronavirusit në Bullgari gjeneral Vencisllav Mutafçijski ditën e hëne më 30 mars tek ora 08.00, orë lokale, njoftoi se numri i përgjithshëm i të ngjiturve me koronavirusin në vend është 354 veta. Nuk ka krahina të reja me njerëz të infektuar. 15 veta tashëm u shëruan, përderisa të vdekurit janë 8. Mosha mesatare e të vdekurve është 66 vjeç. Më shumë të infektuar ka në Sofje, ku gjatë 24 orëve të fundit u regjistruan 13 raste të reja. Ka një pacient në qytetin Sliven, te i cili COVID-19 u zbulua pas një udhëtimi deri në Nju Jork. Mbetet në fuqi ndalesa që më shumë se sa dy veta të mos mblidhen në një vend, pa marrë parasysh ku është. Mbajtja e maskave nga njerëzit e sëmurë është e detyrueshme, ndërsa për të gjithë të tjerë rekomandohet.