Nga shtabi operativ kombëtar për parandalimin e COVID-19 kërkuan që secili spital të ketë gatishmëri për të pranuar pacientë me koronavirus. Ka nevojë për këtë masë, sepse spitalet kombëtare tashmë janë plot me pacientë dhe nuk mund të pranojnë më shumë.

Të gjitha spitalet në vend duhet të jenë gati për këtë brenda 3 ditëve të ardhshme. Repartet e reja duhet të kenë shtretër për reanimim.

Sa u përket informacioneve se një nga simptomat e para të koronavirusit është humbja e ndjenjës së të nuhaturit, udhëheqësi i shtabit kombëtar prof. Vencisllav Mutafçijski shpjegoi se kjo nuk është e vërtetë. Simptomat e para janë gulçima, ndjenja sikur dikush ka vendosur një peshë të rëndë mbi gjoksin tuaj, kolla e thatë, lodhja dhe temperatura. Ka dhe raste të rralla, në të cilat ka jashtëqitje të shpeshta.

Nga Shtabi shpallën se më 23 mars rastet e regjistruara të koronavirusit në Bullgari tashmë janë 201.