Kryqi i Kuq Bullgar hap një fond kombëtar për grumbullimin e mjeteve. Paratë janë për Shtabin Kombëtar për Luftimin e Koronavirusit, për blerjen e materialeve dhe medikamenteve të ndryshme dhe për sigurimin e ndihmës për të sëmurët. Mjetet do të grumbullohen nëpërmjet SMS 14 66, në mënyrë bankare, ose online. Jam i bindur se populli bullgar përsëri do të tregojë mirësi, tha para Radios Kombëtare Bullgare Hristo Grigorov, shefi i Kryqit të Kuq Bullgar. Spitali “Pirogov” mori nga Kryqi i Kuq dy çadra të specializuara. Ato tashmë janë të ngritura para qendrës urgjente dhe përdoren për orientimin e pacientëve që hyjnë në spital, tha Grigorov. Megjithë krizën me koronavirusin Kryqi i Kuq Bullgar po vazhdon programin në ndihmë të 320 000 njerëzve të moshuar nevojtarë me produkte ushqimore, shtoi Grigorov.