Iniciativa e re “Birëso një koshere” e krijuar që të parandalohet zhdukja e bletëve dhe e prodhuesve të mjaltit po fiton një popullaritet gjithnjë e më të madh. Në përgjithësi ajo përbën një abonim për dhuratën cilësore bullgare të natyrës, me të cilin ndihmohen të gjithë ata që duan të merren me bletari. Cilat janë motivet?
“Sipas Komisionit Evropian deri në vitin 2022 një e treta e bletarëve bullgarë do të heqin dorë nga veprimtaria e tyre – na sqaroi Sergej Petrov, personi kryesor që rri prapa iniciativës. – Aktualisht ky sektor nuk duket shumë tërheqës dhe nuk tërheq njerëz të rinj. Kjo është shumë e keqe, sepse një e treta e ushqimit tonë varet nga pllenimi nga bletët. Kur i dëbojmë bletarët nga industria, atëherë pllenimi do të jetë i pamjaftueshëm dhe jocilësor. Duam që bletarët të marrin një pagim adekuat për produktet e tyre.”
Adoptuesi i kosheres jo vetëm merr mjaltë kundrejt një shume të veçantë që paguan çdo muaj. Janë parashikuar veprimtari, nëpërmjet të cilave njeriu praktikisht afrohet me jetën e bletëve – vizitë te kosherja e birësuar, zgjedhja e emrit të bletës-nënë, certifikatë për përkrahje etj. Mjalti i shijshëm bullgar mund të arrijë tek të gjithë që e dëshirojnë – në Bullgari, ose jashtë.
“Adoptuesit e koshereve aktualisht janë mbi 200, janë përfshirë dhe rreth 10 biznese. Nuk prisnim një interes kaq të madh, Përveç kësaj gjithnjë e më shumë bletarë duan të punojnë me ne” – thotë Sergej Petrov dhe na shpjegon se shpeshherë bletarët nuk disponojnë kohën e domosdoshme që t’i kushtojnë vëmendje anës ekonomike të punës së tyre. Kjo nga ana e vet u jep mundësi tregtarëve me shumicë për t’i detyruar bletarët që t’i shesin produktet e tyre me çmime tepër të ulëta. Sipas Sergej Petrovit shkaqet për këtë situatë janë komplekse, ja disa prej tyre:
“Bletarët nënvlerësohen si pjesë e ekonomisë së përbashkët agrare. Mirëpo, pa bletë nuk kemi mollë për shembull. Askush kurrë nuk ka menduar se pllenimi do të shndërrohet në një shërbim, gjë që tashmë është fakt në SHBA. Atje çdo vit konstatohet një humbje prej 40-45 për qind të bletëve për shkak të industrializimit të lartë. Në Bullgari çdo vit rreth 20 për qind e bletëve vdesin. Një faktor tjetër është mungesa e mbrojtjes nga ana e legjislacionit. Mjalti kinez me cilësi të komprometuar, i cili përhapet në treg, është një problem serioz. Në rastet kur mjalti kinez përzihet me të paktën 20 për qind të mjaltit të pastër bullgar mund të shitet me etiketën “Mjaltë bullgar”. Për ne kjo është e papranueshme. Ne mendojmë se 100 për qind e përmbajtjes duhet të jetë një produkt i certifikuar, i vërtetë, i cili ka kaluar përmes laboratorit.”
Në Bullgari ka shumë territore të përshtatshme për bletët – ka mjaltë të pastër bullgar me mbi 30 vitamina. “Pjesëmarrësit në fushatën “Birëso një koshere” janë nga krahina të ndryshme të vendit “ – thotë Sergej Petrov dhe shton:
“Me siguri do të eksportojmë praktikën e mirë jashtë kufijve të Bullgarisë, por para kësaj duhet të njihemi me problemet e bletarisë në regjionet e veçanta dhe duhet të jemi të qartë a mund t’i zgjidhim apo jo. Mendojmë se problemet më të mëdha i kanë kombet me ekonomi më të zhvilluara agrare. Ndoshta tregjet tona të ardhshme do të jenë vendet gjermanishtfolëse.”
Në kosheret që marrin pjesë në platformën tonë përdoren pajisje të posaçme – vepër bullgare, për monitorimin e tyre me distancë. Ato i japin bletarit një informacion adekuat për gjendjen e koshereve.
Përgatiti në shqip: Vesella Mançeva
Foto: istinskimed.bg
Edhe këtë vit Agjencia Ekzekutive për Bullgarët Jashtë Shtetit do të prezantojë çmimin vjetor "Bullgarja e Vitit - Shën Zllata Mëglenska 2023" në një ceremoni zyrtare që do të mbahet në tetor. Për çmimin prestigjioz janë nominuar 24 bashkatdhetare..
Pjesa e vendit tonë më e kërcënuar nga përmbytjet është Bullgaria Veriore. Këtë e tregojnë të dhënat në të dy skenarët për një rritje të temperaturave mesatare - me 3,9 dhe me 2,5 gradë deri në vitin 2100, sipas parashikimeve të Panelit Ndërqeveritar..
Një numër rekord - 600 "luftëtarë" janë të dislokuar në bazën ajrore Uzunxhovo, dhe rasti nuk është një konflikt ushtarak, por festimi i Ditës së qytetit Haskovo. Atraksioni më i madh me rastin e 8 shtatorit është loja e organizuar ushtarake simuluese..
Këtë javë pritet që presidentja e Komisionit Evropian, Ursula von der Leyen , të prezantojë zyrtarisht propozimin e saj për strukturën dhe përbërjen e..
Në edicionin e 31-të të Panairit Tradicional Vjeshtor që fillon sot në Parkun e Qytetit të Razgradit, prodhues nga i gjithë vendi do të prezantojnë..
Radioja Kombëtare Bullgare (BNR) dhe Akademia Bullgare e Shkencave nënshkruan një Memorandum mbi bazën e të cilit do të bashkëpunojnë dhe do të..