Me Simfoninë e 9-të të kompozitorit Ludvig van Bethovën në ekzekutim të Filarmonisë së qytetit Ruse me dirigjent Jordan Kamxallov hapen Ditët Muzikore të Marsit. Edicioni i 16-të i njërit prej festivaleve më të vjetra muzikore tek ne do të mbahet nga 13 deri më 29 mars në qytetin Ruse.
Festivali i sivjetshëm është nën moton “Rrethet e kohës” dhe iu kushtohet themeluesve të tij Ilija Temkov, Sasha Popov dhe Mihaill Këtev. Në thelbin e programit do të jetë përvjetori i 250-të i lindjes së kompozitorit të madh gjerman Ludvig van Bethovën. Ndër solistët dhe orkestrat nga jashtë janë violisti Juri Bashmet me Ansamblin “Solistë të Moskës”, Kuarteti me Tela “Modiljani”, Orkestra e Dhomës e Lituanisë me violinistin Sergej Krillov, Orkestra Kombëtare Simfonike e Rumanisë me pianisten Elena Bashkirova. Në skenë do të dalin edhe muzikantë të dalluar bullgarë – dirigjenti Emill Tabakov, violinistët Svetlin Rusev dhe Minço Minçev, pianistët Evgeni Bozhanov, Pllamena Mangova, Viktorija Vasilenko. Interesin e tërheq debutimi i grupit The Queen’s Six, i cili përbëhet nga këngëtarë profesional kishtarë, të cilët kanë shfaqje të rregullta para familjes mbretërore.
Grupi “Ostava” e ka bërë traditë që në fillim të shtatorit të festojë ditëlindjen me një koncert në “Majmunarnika” – një vend i njohur në qendër të Kopshtit të Borisit në Sofje. Këtë vit tradita vazhdon me një takim me publikun në datën 11..
Autor i muzikës, tekstit dhe aranzhimit është Dimitër Bodurov, një burrë nga një vendbanim i vogël që u vendos për të jetuar në qytetin Stara Zagora disa kohë më parë. Si një dashamirës i muzikës që në fëmijëri, ai regjistroi të gjitha këngët e tij..
Miqtë dhe adhuruesit do të nderojnë kujtimin e këngëtarit dhe kompozitor të njohur të pop-rokut Georgi Minçev , i cili u largua nga bota jonë 23 vjet më parë. Festivali i muzikës rok dhe blues "Lule për Gosho" zhvillohet më 7 dhe 8 shtator në..