Teodosij Spasov është interpretuesi i parë solo, i cili ka ekzekutuar muzikë nëpër të gjitha kontinentet. Me ftesë të profesorit Hristo Pimpirev, udhëheqës i ekspeditës së 28 antarktike bullgare, ai u përfshi në përbërjen e saj bashkë me kitaristin Hristijan Cvjatkov. Në kontinentin e akullt ata kompozuan 10 krijime të reja, të cilat i interpretuan për herë të parë mes kolonive prej pinguinëve dhe fokave. Ditën e shtunë më 8 shkurt në bazën e rinuar spanjolle “Huan Karlos I” u mbajt koncerti i parë për nga lloji i vet në Antarktidë përpara publikut prej polarëve spanjollë dhe atyre bullgarë. U interpretuan tri nga kompozicionet e reja si dhe improvizime të flamenkos spanjolle dhe të valles bullgare. Pas koncertit të grupit “Metalica” gjatë vitit 2013 në Antarktidë, ky është dueti i parë në botë, i cili ka ekzekutuar në kontinentin e akullt.