4.9 mln pasagjerë u mirëpritën në aeroportet në Varna dhe Burgas gjatë vitit të kaluar 2019 nga 35 mijë fluturime të avio-kompanive të huaja. Megjithë rritjen prej 50 për qind të trafikut nga viti 2015 deri në vitin 2018 koncesioneri i dy aeroporteve “Fraport Twin StarAirport Management” Sh.A. konstatoi 10.7 për qind ulje të trafikut të pasagjerëve në dy aeroportet gjatë vitit 2019. Qëllimi është që gjatë vitit 2020 përsëri të arrihet rritje. Prandaj punohet shumë për popullarizimin e bregdetit bullgar si një destinacion tërheqës turistik, i cili u përgjigjet shijeve të klientëve më kërkues. Edhe sivjet firma koncesionere e dy aeroporteve bullgare do të marrë pjesë në ekspozitat turistike në Londër, Berlin dhe Moskë, si dhe në shumë takime me përfaqësues të avio-kompanive evropiane dhe botërore. Çdo një prej tyre ka kritere të veta, sipas të cilave merr vendim nëse të përfshijë destinacione të reja. Kriteret kryesore janë interesi i njerëzve ndaj udhëtimit deri në këto vende dhe potenciali turistik në regjionin përkatës. Një fakt i rëndësishëm është gjithashtu mundësia e avio-kompanisë për t’i realizuar rregullisht fluturimet. Investimet e parashikuara nga koncesioneri në Varna dhe Burgas gjatë vitit 2020 do të jenë mbi 12 mln leva. Gjatë 13 viteve të fundit ato kanë qenë mbi 395 mln leva.
Në tremujorin e katërt të 2024 krahasuar me tremujorin e katërt të vitit 2023 kostot totale të punëdhënësve në Bullgari për një orë të punuar nga punonjësit e tyre u rritën me 12.8%, sipas të dhënave të Institutit Kombëtar të Statistikave. Rritja më e..
Aktualisht, Bullgaria është nga të paktat në BE që përmbush pa kushte të gjitha kriteret nominale për konvergjencë në eurozonë, duke përfshirë edhe kriterin e stabilitetit të çmimeve, me të cilin kemi pasur probleme vitet e fundit. Kështu tha sot, 20..
Bullgaria po bën përparim të mirë drejt anëtarësimit në eurozonë, pasi inflacioni po zvogëlohet drejt kufijve të përcaktuar nga kriteret. Këtë e tha për BTA, presidentja e Bankës Evropiane për Rindërtim dhe Zhvillim (BERZH), Odile Renaud-Basso...
Në tremujorin e katërt të 2024 krahasuar me tremujorin e katërt të vitit 2023 kostot totale të punëdhënësve në Bullgari për një orë të punuar nga..