Prodhimi i energjisë elektrike në Bullgari u ul me më se 15 për qind madje te hidrocentralet ulja është përafërsisht 50 për qind. Shumë prodhues të energjisë planifikojnë meremetime, gjë që do të rikonfirmojë profilin e ri të Bullgarisë si importues të rrymës elektrike. Që nga fillimi i këtij viti e deri më 2 shkurt vendi importoi 570 684 megavat orë energji, gjë që është me 108.21 për qind më shumë në krahasim me të njëjtën periudhë të vitit të kaluar. Krahas kësaj eksporti i energjisë elektrike shënon ulje me afro 33.67 për qind në krahasim të janarit të vitit të kaluar. Kjo vjen të tregojë se për shkak të çmimeve të larta në bursë kompanitë e kanë më të lirë që të blejnë energjinë elektrike nga jashtë. Për shembull çmimi i energjisë elektrike në segmentin “Ditë përpara” të bursës së pavarur energjetike bullgare më 4 shkurt është 43.25 euro për megavat orë, ndërsa në Gjermani dhe Francë ajo shitet 28 euro për megavat orë, thekson botimi capital.bg.