ShBA-ja janë kundër tubacionit të dytë të gazsjellësit “Rryma Turke” destinuar për furnizimin e gazit nga Evropa Juglindore përmes Bullgarisë. Kjo për arsye se e konsiderojnë si një projekt gjeostrategjik i Rusisë. Këtë e tha në një intervistë për Radion Kombëtare Bullgare zëvendës sekretari i shtetit i ShBA-së Dejvid Hejl. “Moska shfrytëzon burimet e veta energjetike si instrument politik, me të cilin të ushtrojë ndikim, të ndajë Evropën. “Rryma Veriore 2” dhe tubacioni i dytë i gazsjellësit “Rryma Turke” janë problem sepse nuk sigurojnë diversifikim energjetik për Evropën”, mendon Hejli. Ai shtoi, se ShBA-ja do të vazhdojnë përkrahjen për modernizimin e forcave ushtarake bullgare, për krijimin e një rrjeti të komunikacionit të mbrojtur nga manipulimet 5G dhe për konsolidimin e superioritetit të ligjit në vend.