Ambasadorja e Shteteve të Bashkuara të Amerikës në Sofje Hero Mustafa e njohu Kryeministrin Bojko Borisov me prokuroren federale Jessica Kim. Ajo është e dërguara e posaçme e presidentit Donald Trump në Bullgari për çështjet e drejtësisë dhe kundërvënies së korrupsionit dhe tashmë është këshilltare e përhershme juridike në Ambasadën e ShBA-së në Sofje.

Kim është dërguar në Bullgari dhe Rumani, ku duhet të ndihmojë punën e organeve të drejtësisë në përballimin e korrupsionit në postet e larta shtetërore, kriminalitetit të organizuar dhe larjes së parave të pista.

Drejtësia amerikane nuk ka pasur përfaqësues të vet në Bullgari që nga viti 2010. Shtetet e Bashkuara të Amerikës kanë ndër mend të sanksionojnë zyrtarë të lartë të korruptuar bullgarë dhe familjet e tyre dhe në këtë mënyrë synojnë të ndihmojnë vendin tonë që të përforcojë demokracinë dhe ekonominë e tregut të lirë, tha Mustafa kur njoftoi ardhjen e këshilltares speciale.