Mbi 3.4 mlrd euro janë të ardhurat nga turizmi ndërkombëtar që nga janari deri në tetor të 2019-ës, bëri të ditur Banka Popullore Bullgare. Ulja kundrejt 2018-ës është prej 0,3%. Vetëm për muajin tetor 2019 të ardhurat nga turistët e huaj kapin shumën 217 mln euro, që është një rritje prej 4.4 për qind. Gjatë muajit tetor është rritur numri i turistëve të huaj. Mysafirët kanë qenë mbi 546 000, me rritje prej 5.1 për qind kundrejt muajit të njëjtë një vit më herët. Rezultatet tregojnë se megjithë sfidat dhe krizat turizmi zhvillohet në mënyrë të qëndrueshme dhe e pohon stabilitetin e vet, komentoi Ministrja Nikolina Angellkova. Ministria e Turizmit bashkë me degën turistike dhe autoritetin vendas do të vazhdojnë të punojnë për përfundimin e suksesshëm të stinës dimërore dhe për përgatitjen e verës 2020, tha Angellkova.