Gjatë tremujorit të tretë të vitit 2019 numri i cigareve të paligjshme në Bullgari është pakësuar me 0.1 për qind në krahasim me tremujorin e dytë, tregon një studim i zhvilluar nëpërmjet grumbullimit dhe analizës së “kutive të zbrazëta të cigareve”. 3.3 për qind janë cigaret e paligjshme dhe kjo është përqindja më e ulët e konstatuar deri tani që nga viti 2010 e këtej.

Ministri i Punëve të Brendshme Mlladen Marinov komentoi se sivjet janë arritur rezultate të mira dhe zonat problematike mbeten qytetet afër kufijve, ku përqindja e cigareve të kontrabandës është më e lartë. Drejtori i agjencisë “Doganat” Georgi Kostov bëri të ditur se që nga muaji janar deri në nëntor të këtij viti të ardhurat bruto të akcizave mbi produktet e duhanit janë rritur me 7.7 për qind në krahasim me periudhën e njëjtë të 2018-ës.