Pas samitit të liderëve të Bashkimit Evropian kryeministri Bojko Borisov deklaroi se Bullgaria bashkë me shtetet e tjera po mendon për mundësinë për ngritjen e padisë kolektive në Gjykatën e Bashkimit Evropian kundër marrëveshjes për paketën “Mobiliteti”. Marrëveshja në fjalë ishte arritur ndërmjet Këshillit të Evropës, Komisionit Evropian dhe Parlamentit Evropian.

Borisovi nënvizoi se diskutimi mbi këtë temë nuk ka përfunduar. Sipas fjalëve të tij nga njëra anë Bashkimi Evropian përpiqet të reduktojë ndotjen e mjedisit, nga ana tjetër miraton rregulla, të cilat çojnë në rritjen e emetimeve të gazeve të dëmshme – kjo bëhet me rregullën që kamionët dhe shoferët e tyre të detyrohen të kthehen shpesh më vendin, ku ata janë regjistruar. Borisovi nënvizoi se vendet e Evropës Perëndimore, të cilët insistojnë më shumë për miratimin e rregullave të reja, i kanë zhvendosur prodhimet e tyre më ndotëse në Azi.