Gjatë vitit 2018 ekonomitë shtëpiake në Bashkimin Evropian kanë harxhuar mbi 200 miliardë dollarë, ose 1,3 % nga Produkti i Brendshëm Bruto i Bashkimit Evropian për komunikime, njoftoi Eurostat. Këto janë 2,3% nga shpenzimet e përgjithshme të ekonomive shtëpiake. Nën komunikime llogariten shërbimet postare, telefonat dhe telekset. Ekonomitë shtëpiake në Bullgari kanë ndarë për komunikacionet një pjesë më të madhe - 4,8% nga shpenzimet e veta të përgjithshme. Në bazë të këtij treguesi Bullgaria është e pasuar nga Greqia 4,4%, Rumania 4,1% dhe Kroacia me 4%. Familjet në Luksemburg, në Britaninë e Madhe, në Danimarkë dhe Austri harxhojnë më pak për komunikacion nga 1,3 deri më 1,9%. Shpenzimet shënojnë një ulje më të madhe në krahasim me degët e tjera të ekonomive në Bashkimin Evropian gjatë dhjetëvjeçarit të kaluar nga 2,8 në 2,3%. Komunikimet janë bërë më të lira më shumë në Estoni me 3,8% dhe më pak në Bullgari me 0,6%, derisa në Rumani janë shtuar me 2,3%.